250
Атырауда ер адам бұрынғы қызын аңдып, кіреберісте пышақтап, қашып кеткен. Ол, азаматшаның үйден шыққанын күткен. Мұнан соң, бірнеше жерден пышақ салып, жарақаттаған. Қазіргі таңда жәбірленуші жансақтау бөлімінде жатыр. Өйткені, жарақаты ауыр деп хабарлады #Немолчиkz.
Бұрынғы қызының өміріне қауіп төндірген күдіктіге қатысты тергеу амалдары басталды.
“Күдіктінің жеке басы анықталды, оны ұстауға бағытталған жедел-іздестіру шаралар кешені қабылданады. Сот-медициналық сараптама тағайындалды. Қазіргі уақытта күдікті мен жәбірленушінің бұрын азаматтық некеде болғандығы анықталды. Өзге ақпарат тергеу мүддесі үшін жария етілмейді”, – дейді ПД өкілдері.
Айта кетейік, жағымсыз жағдай Атырауда орын алған. Ал, қыз супермаркетте жұмыс жасайды.
