Қырғызстанда атышулы қылмыстық авторитет Қамшы Көлбаевтың анасына іс қозғалды. Оған қылмыстық жолмен келген кірістерді заңдастырды деген айып тағылып отыр. Сот Мая Әлиеваның үйінде өткен секілді. Өйткені, айыпталушы жүре алмайтын көрінеді.
Фото: видеодан алынды
Қазіргі уақытта, қылмыс серкесіне тиесілі болған 13 жылжымайтын мүлік мемлекет меншігіне қайтарылмақ.
Естеріңізге сала кетейік, 2023 жылғы 4 қазанда МҰҚК (Қырғызстан Мемлекеттік ұлттық қауіпсіздік комитеті) қызметкерлері заңдағы ұры әрі әлемдегі ең ірі есірткі барондарының бірі Қамшыбек Асанбекті атып өлтірді. Ресми нұсқа бойынша, қылмыс әлемінің серкесі қару қолданып қарсыласқан соң, атуға тура келген.
Айта кетейік, арнайы операция қылмыстық істер шеңберінде кәсіпкерлердің мүлкін аса ірі мөлшерде заңсыз иемдену фактілері бойынша өткен.
