122
Қаржылық мониторинг агенттігі Қостанай облысында темекі өнімдерін сәйкестендіру құралдарынсыз өткізу фактілері бойынша 4 қылмыстық істі тіркеді. Заңсыз темекі өнімдерінің жалпы сомасы 168 млн теңгені құраған.
Тыңғылықты жүргізілген рейдтік шара барысында сәйкестендіру құралдарынсыз темекінің жария түрде сатылғаны анықталды. Сондай-ақ Қостанай қаласының аумағында сақтау орындары белгілі болды.
Айналымнан 290 мыңнан астам қорап темекі алынды.
Заңсыз қызметті жүзеге асырған 4 күдікті анықталып, оларға қатысты қылмыстық іс сотқа жолданды.
Сот оларды кінәлі деп танып, айыппұлдар мен бас бостандығын шектеу түріндегі түрлі жазалар тағайындады.
Барлық тәркіленген өнім жойылуға жатады.
