257
Жамбыл облысы, Қордай ауданында Т-72 әскери танк «Mercedes» жеңіл көлігімен соқтысып, жол апатына ұшырады. Салдарынан, неміс темір тұлпарының жүргізушісі жарақат алды.
Фото: видеодан алынды
Бұл жол апатына қатысты ҚР Қорғаныс министрлігі түсінік берді.
“Мәтібұлақ ” оқу полигонының аумағында жауынгерлік техниканың қозғалысы кезінде Mercedes маркалы автомобиль жол қозғалысы ережелерін бұза отырып, Т-72 танкісімен соқтығысқан. Әскери техникамен дайындық өткізілетін жерде “танкке жол бер” белгісі орнатылған”,-делінген мәлімдемеде.
Қазіргі таңда, қызметтік тергеу амалдары жүргізілуде. Айта кетейік, Мәтібұлақ оқу жаттығу алаңында 2-13 қыркүйек аралығында “Айбалта-2024” әскери дайындық өтеді.
