75
Түркістан облысы, Ордабасы ауданы Темірлан ауылының Ш.Уәлиханов атындағы мектеп-гимназиясының ағылшын тілі пәнінің мұғалімі Әбибулла Жақұдаев, Мемлекет басшысының қолынан «Қазақстанның еңбек сіңірген ұстазы» сыйлығын алды. Ол, еңбегінің бағаланғанына қуанып, жылап қалды. Еңбегі еленген ұстазды, туыстары әуежайдан күтіп алды.
Әбибулла ұстаз, Президенттің қолынан сыйлық алғаныма қуанғаным сонша, көңілім босап кетті деп отыр. Оның қолынан жүлде алған сәтімді сөзбен айтып жеткізе алмаймын. Мен үшін бұл 40 жылдық еңбек жолымдағы ұмытылмас сәт дейді ұстаз.
Ал, әлеуметтік желі қолданушылары, “Еңбекпен келген бақыттың көз жасы”, “Мейірімді және әдепті адам екен”, “Қуанышты сәттер көп бола берсінші”,-деп пікір қалдырған.
