Пробациялық бақылауда жүрген Нұрасыл Болаттың мерекелік кеште жүрген видеосы, әлеуметтік желіде кеңінен тарады. Осыған байланысты, жауапты мекеме мәлімдеме жасады.
«Ішкі істер министрлігі қылмыстық атқару жүйесі комитеті “пробация бақылауын бұзу фактісі бойынша сотталушыға ескерту берілді, бас бостандығынан айыру жазасына ауыстыру туралы мәселені шешу үшін сотқа материал дайындалып жатыр»,-деп хабарлады комитеттің баспасөз қызметі.
Ал, әкесі Дәулет Тұрлыханов, балам тәрбиелі жігіт. Қатарластарымен қыдырып жүр. Онда тұрған ештеңе жоқ деп отыр.
«Балам, өте жақсы бала. Тәрбиелі. Бүгінгі күні, өзімен жасты достарымен туған күнге баруға болмайды ма? Қазір балама қатты сөйлеп жүрген жоқпын, ұрысатын жағдай емес. Оның денсаулығын ойлап жүрмін. Оның жасы 21-де. Ішпейді. Өмірді көрмеген бала»,- деді ол.
Айта кетейік, Дәулет Тұрлыханов 2023 жылы ол бірмандатты сайлау округінен мәжіліс депутаты болып сайланған.
