Қаржылық мониторинг агенттігі, Қостанай облысының аумағында вейптерді, оған арналған хош иістендіргіштер мен сұйықтықтарды заңсыз әкелу фактісін анықтады.
Нәтижесінде, жергілікті тұрғынның өзі құрған телеграм-арнасы арқылы заңсыз кәсіп жасағанын әшкереледі. Ол, Қазақстан Республикасының аумағына Ресейден әкелінген вейптерді таратқан. Яғни, жеткізу қызметінің көмегін және почтаны пайдаланған.
«Электронды темекі өнімдерін алуға өтінімдер 100 000 теңгеден басталған. Елімізде айналымына тыйым салынған вейптерді өткізу фактілерін жасыру мақсатында төлем шетел азаматының банк картасына қабылданып отырған. Күдіктінің тұрғылықты жерін тінту барысында құны 45 млн теңге шамасындағы 7,5 мыңға жуық вейп табылып, тәркіленді»,-деп жазылған мәлімдемеде.
Айта кетейік, күдіктінің заңсыз әрекеті дәлелденіп, сот пробациялық бақылауды белгілей отырып, 1 жыл бас бостандығын шектеу түріндегі жаза тағайындады.
