Хасанмен суретке түскен Жанар Айжанова көпшіліктің талқысына қалды. Осы мәселеге нүкте қою үшін, әлеуметтік желі арқылы көпшілікке үндеу жасады. Ол, өз жауабында, суреттегі адамды, танымайтынын жеткізді. Тіпті, Талғардағы «Хутор» деп аталатын топтың басшысы делінген Хасан Қасымбаев екенін кейіннен білген.
«Хасан деген бәле болды. Желкемнен келіп суретке түскен екен, енді мен арқамнан түсіп қалған адамдарға жауап беріп отырмайтын шығармын. Маңдайында кім екені жазулы тұр ма, қайдан білейін. Өзі «мен, кінәлі емеспін, үш баланың әкесімін» деп ақталып отыр екен. Мен ол Хасан екенін сендер айтқаннан кейін ғана білдім. Бір томпиған бала артымда тұр. Қай жылы түскен сурет екенін, қай жерде түсірілгені де, есімде жоқ. Қасымда тағы басқа да әншілер болды», – деді Жанар Айжанова.
Кейбір желі қолданушылары, әншіге жағымсыз пікірлер жазып, әбден ашуына тиген секілді. Ал, Жанар Айжанова болса, бұл жағдайға өзінің қатысы жоқ екенін ашық айтып, әлгі пікір иесін жауапқа тартатынын да жеткізді.
