Бұл бейнематериал, 25 қыркүйекте түсірілген. Оқу-ағарту министрлігінің мәліметінше, балалардың құқықтарын қорғау комитетінің қызметкерлері Сарыағаш ауданындағы Сәкен Сейфуллин атындағы мектеп интернатына тексерумен барған. Ол жердегі көрініс, көңіл көншітпеген. Өйткені, қоймадан шіріген алмалар табылған. Жұмыртқа бір күн бұрын пісірілген. Бірақ, сыртта сақталған. Ал, кейбір тағамдар мәзірде жазылғанымен, мүлдем берілмей келген.
Ал, жұмыртқа мен, тағамдардың бетінде шыбындар қаптап жүр. Яғни, санитарлық нормалар сақталмаған.
Айта кету керек, бейнематериалды түсіру барысында, инспекторға әлдебіреу хабарласып, «мектепті қамтып отырған» адаммын деп таныстырады. Сондай-ақ, тексерушілердің неге кештетіп жүргенін сұрап, қоқанлоққы көрсеткендей болған.
