56
Ұрлық қылмысы, Орал қаласында 28 наурыз күні кешкі уақытта орын алған.
Күдіктілер, қаладағы сауда үйлерінің бірінде банк терминалының ұяшығынан 680 мың теңгені ұрлап кеткен. Бұл қаражат 53 жастағы қала тұрғынына тиесілі болған. Ол ақшаны банкнот қабылдағышына салып, операция аяқталды деп ойлап, алыстап кеткен. Дәл осы сәтте техникалық ақау болып, күдіктілер жағдайды өз бас пайдасына жүзеге асырған.
Полицейлер үш күдіктіні ұстады. Олар ұрланған ақшаны өзара бөлісіп алған. Ұсталғандардың бірі бұрын сотталғаны белгілі болды.
Аталған факті бойынша сотқа дейінгі тергеу амалдары жүргізіліп жатыр.
