31
Алматы қаласында үш турист Іле Алатауы Көк Жайлау тауларына көтеріліп, ауа райының нашарлауына байланысты өз бетінше төмен түсе алмай қалған. Нәтижесінде, құтқарушылардың көмегіне жүгінген.
Тез арада оқиға орнына ТЖМ Республикалық жедел-құтқару жасағының құтқарушылары жетіп, жас туристерді жоғарыдан түсіріп алды. Олар, теңіз деңгейінен 2240 м. биіктікке көтеріліп кеткен.
Туристерге, медициналық көмек қажет болмады.
Қазақстанның ТЖМ таулы жерлерде жүру кезінде сақтық шараларын сақтау қажеттігін еске салады. Туристерге ауа райы жағдайларын ескеру, керек-жарақтарды дұрыс таңдау және құтқару қызметтерін көтерілу бағыты туралы алдын ала хабардар ету ұсынылады.
