34
Дубайдан бұзақылық қылмыс жасаған күдікті Қазақстанға экстрадицияланды.
Қазақстан Бас прокуратурасы мен Ішкі істер министрлігінің қызметкерлері Біріккен Араб Әмірліктеріндегі Қазақстан елшілігінің көмегімен Дубай қаласынан бұзақылық қылмыс жасаған күдіктіні елге қайтарды.
Тергеу мәліметтеріне сәйкес, ол 2012 жылдың 25 наурызында Теміртау қаласында жәбірленушіге бұзақылық ниетпен бірнеше рет дене жарақатын салып, оның екі жерден жақ сүйегін сындырған.
Қылмыс жасағаннан кейін күдікті елден қашып кеткен. 12 жылдан кейін ол Біріккен Араб Әмірліктерінің аумағынан табылып, ұсталды.
Қазіргі уақытта күдікті Қазақстан полициясына тапсырылып, қылмыстық жауапкершілікке тарту үшін тиісті тергеу амалдары жүргізілуде.
