Шерзат Полаттың әкесі сотта жауап беруде. Ол, баласының соңғы демі таусылар сәтте айтқан сөздерін баяндады.
“Мен шегінген кезде Шыңғыс пен Азамат Шерзатқа қарай жүгірді. Ол кезде Шерзат “папа, Нұрқанат аға бірдеңе тығып алды” деп айқайлады. Сөйтсем пышақ тығып алыпты. Бір уақытта Шерзат құлады. Сол кезде Нұрқияс мылтықпен ұрған. Ал әйелім баламызды қорғап, ұрғызбай жатты. Өтінемін ұрмаңыздаршы, деп сұрады. Шерзат анасына “бірдеңе тығып алды, ауырып тұр” деп сөйлеп жатты балам. Соған қарамай Нұрқияс арқасынан ұрды”, – дейді Қаржаубай.
Санымен қатар, өзінің не себепті пышақ алып жүргенін түсіндірді.
“Олар сөзді түсінбейді, төбелес тоқтамайды, бәрібір өзінікін жасап кетеді деген ой болды. Бұлар қолдан келсе бірге-бір төбелесіп, әңгімемен шешпейді. Осы кезге дейін жабылып, қанша бала жарақат алды. “Хутордың” балалары қзіміздің көршімізді солай пышақтап, атып, өлтіріп кеткен. Сөйтіп сескеніп, өзімді, баламды, басқа балаларды қорғау мақсатында пышақ алдым”, – дейді Қаржаубай.
