Ақмола облысында жеке меншікке тиесілі жеңіл әуе көлігі апатқа ұшырап, қайғылы оқиға салдарынан екі адам, яғни ұшқыш пен жолаушы қаза тапты. Бұл туралы Көліктегі полиция департаментінің баспасөз қызметі хабарлады.
Ведомствоның мәліметінше, оқиғаға қатысты Қылмыстық кодекстің 344-бабының 3-бөлігі — әуе көлігін пайдалану қауіпсіздігі қағидаларын бұзу немесе тиісінше орындамау фактісі бойынша сотқа дейінгі тергеу басталған.
«UP-LA 229 жеке жеңіл ұшағының апаты фактісі бойынша Астана стансасындағы желілік полиция басқармасы Қылмыстық кодекстің 344-бабының 3-бөлігі бойынша сотқа дейінгі тергеуді бастады. Апат салдарынан екі адам, ұшқыш пен жолаушы қаза тапты», – делінген хабарламада.
Оқиға орнында мамандар жұмыс істеуде. Тергеу нәтижелері кейінірек жарияланатын болады.
