Орал қаласының прокуратурасы әкімдік, полиция және салық саласының қызметкерлерінің букмекерлік кеңселер арқылы құмар ойындарға бәс тіккенін анықтады.
Тексеру нәтижесінде, 24 адам тәртіптік жауапкершілікке тартылды. Олардың 16-сы жұмыстан шығарылды.
Букмекерлік компанияның мәліметі бойынша, жұмыстан шығарылған әкімдік қызметкерлерінің бірі 2021 жылдан 2025 жылға дейін 34 миллион теңгеден астам қаражатты өз есепшотына аударған. Оның ішінде 1,7 миллион теңгеден астамын мемлекеттік қызметшілерге құмар ойындарға қатысуға тыйым салатын заң күшіне енгеннен кейін салған.
Еске салайық, былтыр Қазақстанда мемлекеттік қызметшілердің, соның ішінде онлайн түрде де, құмар ойындар мен бәстерге қатысуы сыбайлас жемқорлыққа қарсы шектеулерді бұзу деп танылған болатын.
