90
Қайғылы оқиға, 11 наурыз күні Павлодарда орын алған. Апталдай жігіттің хабарсыз кеткеніне уайымдаған әріптестері полицияға хабар берген.
Тез арада оқиға орнына төтеншеліктер шақыртылып, 27 жастағы ер адам қаза тапқанын анықтады. Ал, оның ата-анасы ауыр жағдайда ауруханаға жатқызылды.
“Пеште ақау пайда болған. Яғни қабырғасындағы жарықтан көміртегі тотығы таралған”, – деді Облыстық төтенше жағдайлар департаментінің бастығы Жасұлан Жұмашев.
Айта кетейік, жылыту маусымы басталғаннан бері өңірдің 3 тұрғыны өрт шықпай-ақ көміртегі тотығынан уланып, көз жұмған. Төтенше жағдай 2023 жылдың қазан, ақпан және наурыз айларында болды.
