Қазақстан Республикасы Көлік вице-министрі Талғат Ластаевтың мәліметіне сәйкес, Ақтау маңындағы әуе апатына қатысты тергеу 2025 жылдың желтоқсанына дейін аяқталады.
«Бұл – Халықаралық азаматтық авиация ұйымының стандарттарына сәйкес белгіленген бір жылдық мерзім. 2025 жылдың ақпанында жарияланған алдын ала есепте ұшақтың сыртқы физикалық әсерге ұшырауы мүмкін екені айтылған еді»,-деді Талғат Ластаев.
Естеріңізге сала кетейік, Баку қаласынан Грозный қаласына бет алған әзербайжандық «Az Airlines» әуе компаниясының Embraer 190 жолаушылар ұшағы әуежайға жетпей құлап, өртке оранған болатын. Ұшақ бортында 67 адам болған. 29 жолаушы аман қалып, 38-і қаза тапты. Қаза болғандардың алтауы – Қазақстан азаматы.
Ал бұған дейін, ұшақты шығарған ел ретінде Бразилия апаттың барлық жай-жапсарын толық анықтауды қолға алған болатын. Сондай-ақ, ұшқыштардың дауыс таспалары мен ұшақтың жағдайы туралы барлық деректер «қысқа уақыт ішінде» сарапталатынын жеткізген болатын.
