Әзірге сырттан гуманитарлық көмек керек емес. Материалдық әлеуетімізді қолданып жатырмыз деді Сыртқы істер министрлігінің ресми өкілі Айбек Смадияров.
«Елімізде оперативті штаб құрылды. Премьер-министрдің барлық орынбасары тиісті өңірлерге шықты. Олар өңірлердегі жағдайды бақылауда ұстап отыр. Материалдық резервтің әлеуетін қолданып жатырмыз. “Қазақстан халқына” қоры мен халық та көмектесуде. Үкімет осы бағытта толыққанды жұмыс жүргізіп жатыр», – деді Айбек Смадияров.
Айта кетейік, су тасқыны орын алып, тұрғындарды эвакуациялау барысында көпшілік киім-кешек, керекті заттарын алып үлгермеген болатын. Сондықтан, оларға қажетті құрал-жабдықтар мен ашымайтын азық -түлік, көрпе төсек секілді заттарды халық өз есебінен жіберген. Сонымен қатар, Қырғызстан, Өзбекстан сынды бауырлас елдерде гуманитарлық көмек жіберді.
