559
Елімізде 1 мамырдағы жағдай бойынша 13,6 мың жұмыскер жалақысын ала алмай жүрген. Мемлекеттік еңбек инспекторлары республиканың 426 кәсіпорында жұмыскерлердің алдында 2,6 млрд теңгеден астам сомаға жалақы бойынша берешекті анықтады.
Бұл кәсіпорындардың басшыларына орындалуы міндетті 445 нұсқама беріліп, 64,6 млн теңгеден астам сомаға айыппұл салынды.
Еңбек және халықты әлеуметтік қорғау министрлігінің мәліметінше, қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгіленген. Соның нәтижесінде 11,4 мыңнан астам жұмыскердің құқықтары қорғалды. Оларға 2,1 млрд теңге төленді.
