314
Талдықорғанда мемлекет есебінен медицина мекемесіне деп бөлінген 109 млн теңгені букмекерге кеңсеге салып жіберген бухгалтер сотталды.
Жетісу облыстық сотының хабарлауынша, аурухана есепшісі Талдықорғандағы облыстық балалар ауруханасына 2021 жылдың 1 наурызында жұмысқа орналасқан. Сол уақыттан бастап бюджет қаражатын өзінің жеке шотына аударып отырған.
Аурухана есепшісіне Қылмыстық кодекстің ҚР ҚК-нің 189-бабы, 4-бөлігі, 2-тармағы бойынша айып тағылды және ол өз кінәсін мойындады. Қылмыстық іс Талдықорған қалалық сотында қаралып, сотталушы кінәлі деп танылды. Сот үкімімен оған 5 жыл мерзімге бас бостандығынан айыру жазасы тағайындалды. Сотталушы берілген жазасын қылмыстық – атқару жүйесінің орташа қауіпсіз мекемесінде өтейтін болады.
