2023 жылғы 1 сәуірдегі жағдай бойынша ел халқының саны 19 832 737 адамды құрады, оның ішінде қала тұрғындары – 12 259 453, ауыл тұрғындары – 7 573 284 адам, деп хабарлайды Ұлттық статистика бюросы, деп хабарлайды Шымкент панорамасы.
Биылғы жылдың бірінші тоқсанында Қазақстанда 93,5 мың бала дүниеге келді (2021 ж.-100, 4 мың, 2022 ж. – 95,6 мың), оның ішінде 48,4 мыңы – ұлдар, 45,1 мыңы – қыздар. Туу коэффициенті 1000 адамға шаққанда 19,06 туылды.
Туудың ең жоғары деңгейі Маңғыстау (1000 тұрғынға 26,31 адам), Түркістан (25,59) облыстарында және Шымкент қаласында (24,37) байқалды.
Ел ішінде қоныс аударушылар саны 10,9% – ға азайды. Өңіраралық көші-қон бойынша халықтың көші-қонының оң сальдосы еліміздің 4 өңірінде: Алматы қалаларында қалыптасты
(6 782 адам), Астана
(6 443 адам), Шымкент (241 адам) және Алматы облысында (223 адам).
2023 жылғы қаңтар-наурызда елге келгендер саны 7 680 адамды, елден кеткендер саны 2 664 адамды құрады. Көші-қон сальдосы 5 016 адамды құрады.
Естеріңізге сала кетейік, өз жолдауларының бірінде ел президенті Қасым-Жомарт Тоқаев Денсаулық сақтау жүйесі қалай құрылуы керектігін айтты.
“Отандық денсаулық сақтауды жаңғырту ерекше маңызға ие. Пандемия жағдайында бұл мәселенің өзектілігі айқын болды, Денсаулық сақтау жүйесі пациенттерге назар аударып, олардың мүдделерін, денсаулығы мен өмірін бірінші орынға қоюы керек. Мұндай модельге көшу даралау, цифрлық құралдарды енгізу, адамдардың білікті дәрігерлік көмекке қолжетімділігін кеңейту есебінен мүмкін болады”,-деді Қасым-Жомарт Тоқаев.
Осыған байланысты, Мемлекет басшысы атап өткендей, аурулардың алдын алуға және ерте диагностикалауға негізделген профилактикалық медицинаны дамыту ерекше рөл атқарады.
“Азаматтардың салауатты өмір салты-салауатты ұлтты қалыптастырудың негізгі шарттары. Сондықтан бұқаралық және балалар спортына ерекше назар аудару керек, бұл туралы Мен Жолдауда айттым. Қайталағым келеді-бұл стратегиялық маңызы бар басым міндет. Менің тапсырмам бойынша Үкімет бұқаралық және балалар спортын қаржыландыру тәсілдерін қайта қарады, ол даму үшін айтарлықтай үлкен ресурстармен қамтамасыз етілетін болады. Бұл міндет Парламент депутаттарының бақылауында болуы тиіс”, – деді Мемлекет басшысы.
