468
Ішкі істер министрлігі қаңтар айының соңында желіде пайда бола бастаған Қазақстан мектептерінде лаңкестік жасалады деген ақпаратқа пікір білдірді.
Хабарламалар Қазақстанның 6 қаласында, яғни Ақтөбеде, Атырауда, Алматыда, Павлодарда, Қарағандыда және Қостанайда түскен. Терроризм актісі туралы көрінеу жалған хабарлау фактілері бойынша сотқа дейінгі тергеу басталды. Барлық қажетті тергеу әрекеттері жүргізіліп жатыр. Қазір Алматы, Ақтөбе, Атырау және Павлодар қалаларында таралған хабарламаларға ТМД елдері азаматтарының қатысы бар екені анықталды, – делінген ІІМ мәлімдемесінде.
ІІМ ақпаратынша, Telegram мессенджерінде мектептерге шабуыл жасау қаупі туралы анонимді хабарламалар 25 қаңтардан тарала бастаған.
