Іздестіру жұмысы барысында құтқарушылардың қол сөмкесі және жұмыс журналы,мемлекеттік тіркеу нөмірі бар автобустың шанақ бөлшегі анықталды.
Қазіргі таңда, жауаптылар, оң болжаммен екі адам тірі болуы мүмкін деп отыр. Бірақ әзірге нақты күні мен уақытын айта алмаймыз. Жағдай күрделі, мұндай операция бұрын болмаған. Өте мұқият жұмыс істеу керек дейді мамандар.
“Ондағы жағдай өте күрделі, ауыр, мамандар жерді зерттеп, автобустың шамамен қай жерде орналасқанын анықтады. Бұл құрылғы ол жерде шынымен металл бар екенін көрсетеді, бірақ, өкінішке қарай, автобустан кейін де бос орын бар. Онда құтқарушылар өте қиын жағдайда жұмыс істеп жатыр. Біріншіден, бұл, әрине, нөлден төмен температура. Екіншіден, құтқарушылар мен жұмысшылардың өз өмірі мен денсаулығына қауіп бар. Егер, Құдай сақтасын, топырақ жылжыса, адамдарды тартып кетуі мүмкін”, – деді Төтенше жағдайлар вице-министрі Бауыржан Сыздықов.
Айта кетейік, бұған дейін жер астынан 4 адамның екеуі табылған болатын
