Нұрсұлтан Назарбаевтың есімімен аталатын Ұлттық қорғаныс университетінен «ҚР тұңғыш президенті – Елбасы» деген сөздер алынып тасталынбақ. Бұл туралы Cенат депутаты Бекбол Орынбасаров мәлімдеді.
Бұрын жоғары оқу орны Қазақстан Республикасы тұңғыш президенті – Елбасы атындағы Ұлттық қорғаныс универитеті деп аталса, енді Қазақстан Республикасының Ұлттық қорғаныс универитеті деп аталады, – деп нақтылады Бекбол Орынбасаров.
Айта кетейік, 2019 жылдың 19 наурызында сағат 19:00-де Қазақстанды 30 жылға жуық уақыт басқарған Нұрсұлтан Назарбаев мәлімдеме жасап, президенттіктен кететінін жариялады.
Соынмен қатар, бұған дейін 2023 жылдың 15 ақпанында Мемлекет басшысы «Тұңғыш президент – Елбасы туралы» Конституциялық заңның күшi жойылды деп тану туралы» Конституциялық заңға қол қойған болатын.
