Банктер, 2023 жылы Мемлекеттік кірістер комитетіне азаматтардың жеке шоттарына түсетін есептері жайында ақпарат бере бастады.
Кәсіпкерлік қызметті іске асыру белгілерін айқындау өлшемшарты ретінде жеке тұлғаның үш ай қатарынан ай сайын әртүрлі тұлғалардан жеке банктік шотқа 100-ден астам аударым алуы болып есептеледі, – деп берілген хабарламада.
Нақтыласақ:
1) 2023 жылғы 1 қаңтардан бастап – мемлекеттік қызметкерлер, оларға теңестірілген адамдар және олардың жұбайлары (2022 жылдың қорытындысы бойынша);
2) 2024 жылғы 1 қаңтардан бастап – мемлекеттік мекемелердің, квазимемлекеттік сектор субъектілерінің қызметкерлері және олардың жұбайлары (2023 жылдың қорытындысы бойынша);
3) 2025 жылғы 1 қаңтардан бастап – дара кәсіпкерлер, заңды тұлғалардың басшылары және олардың жұбайлары (2024 жылдың қорытындысы бойынша);
4) 2026 жылғы 1 қаңтардан бастап – халықтың қалған бөлігі (2025 жылдың қорытындысы бойынша).
Әзірге, мемлекеттік қызметкерлер, олардың жұбайларына қатысты есеп жүргізілуде. Десе де, бақылау шаралары күшейтіледі. Сондай-ақ, жасырын кірісі бар адамдарды анықтау жұмыстары жүргізіледі.
