Алматы қаласы әкімдігінің лауазымды тұлғалары мен басқа да қызметкерлерінің үстінен аса ірі мөлшердегі алаяқтық фактісі бойынша іс қозғалды. Сыбайлас жемқорлыққа қарсы қызмет аталған іс бойынша сотқа дейінгі тергеп-тексеруді жүргізуде.
Ведомствоның мәліметіне сүйенсек, тергеу барысында коммуналдық меншікті (сот үкімі бойынша тәркіленген 3 коттедж және 2 пәтер) өткізу тәртібінің бұзылуы мен бағалау туралы жалған есептер негізінде тікелей үлестес жеке тұлғаларға төмен бағамен сатылғаны анықталған. Бұл нысандардың құны нарықтағы бағадан бірнеше есе төмен болған.
Мемлекетке келтірілген залал 819 млн теңгені құрады. Тергеу барысында қабылданған шаралар аясында залал толығымен өтелді.
Тергеу сотының санкциясымен үш күдікті адам үй қамағына алынды.