223

Шымкент қаласында орналасқан ҚР Ұлттық ұланының “Оңтүстік” өңірлік қолбасшылығының 6506 әскери бөлімінде 2023 жылғы жазғы оқу кезеңінің қорытынды тексерісі тапсырылды.

Тексеру бірнеше күн бойы жүргізілді. Бақылау сабақтарында әскери қызметшілер кәсіптік-лауазымдық, мемлекеттік-құқықтық, дене шынықтыру, атыс және арнайы даярлық пәндері бойынша сынақтар тапсырды.

Атап өтілгендей, теориялық білім де, практикалық дағдылар да тексерілді. Оның ішінде атыс дайындығы бойынша нормативтер тапсырылды. “Ақтас” оқу орталығының базасында әскери қызметшілер күндізгі және түнгі көріну жағдайында штаттық қаруды – Макаров тапаншасын және Калашников автоматын иеленуді көрсетті.

Әскери қызметшілер 100, 1000 және 3000 метр қашықтыққа жүгіру арқылы штангаға тарту нормативтерін тапсыру кезінде дене бітімін растады.

– Қорытынды тексеру аясындағы жоғары нәтижелер әскери қызметшілерге сыныптық біліктілігін арттыруға мүмкіндік береді. Сондықтан әркім үздік баға алуға ұмтылды, осылайша бүкіл әскери бөлімнің жалпы қорытынды бағасына өз үлесін қосты,- деп атап өтті “Оңтүстік” өңірлік қолбасшылығы қолбасшысының орынбасары полковник Константин Қуатов.

Айта кетейік, әскери қызметшілер жыл сайын қорытынды тексеруден өтеді, оның негізгі мақсаты жауынгерлік әзірліктің нақты жай-күйін және жеке құрамның дайындық деңгейін анықтау болып табылады.

ҚР Ұлттық ұланы 6506 әскери бөлімінің баспасөз қызметі

Leave a Reply

Your email address will not be published. Required fields are marked *

Fill out this field
Fill out this field
Please enter a valid email address.
You need to agree with the terms to proceed