Судағы жазатайым оқиғалардың алдын алу үшін Шымкент қаласы ТЖ департаментінің Азаматтық қорғаныс басқармасының қызметкерлері жергілікті полиция қызметінің өкілдерімен бірлесіп шомылуға тыйым салынған орындарға патрульдеу жүргізді. Ақжар су қоймасының бойында бірлескен рейд жүргізілді.
Бұл жолы рейдке қатысушылардың ерекше назары шомылатын жасөспірімдерге аударылды. Балалармен профилактикалық әңгімелер өткізілді. Ересектерге жас балаларды қараусыз қалдыруға жол бермеу туралы еске салынды, ал жасөспірімдерге су қоймаларында қауіпсіз жүріс-тұрыстың негізгі ережелері айтылды. Жарқын плакаттармен қаруланған құтқарушылар балаларға тыйым салынған жерлерде шомылуға болмайтынын, ал демалу үшін тек арнайы жабдықталған орындарды таңдау керектігін айтты.
ӘҚБтК-нің 412-бабы “су айдындарындағы қауіпсіздік ережелерін бұзу немесе орындамау” бойынша патрульдеу нәтижесінде ТЖ департаментінің қызметкерлері 1 адамға хаттама толтырып, 7 АЕК немесе 24 150 тонна мөлшерінде айыппұл салды.
Сонымен қатар полиция қызметкерлері тарапынан 3 адам ӘҚБтК-нің 364-бабы бойынша ескерту алды.
Шымкент қаласының ТЖ департаменті судағы қауіпсіздік ережелерін сақтау қажеттігін тағы да еске салады:
егер сіз балалармен бірге су қоймасында болсаңыз, оларды қараусыз қалдырмаңыз, балаларға ересектерсіз суға кіруге рұқсат бермеңіз;
тыйым салынған жерлерде шомылуға болмайды;
жүзу шекараларын белгілейтін қалтқылардың артында жүзбеңіз;
тексерілмеген және жабдықталмаған жерлерде сүңгуге болмайды;
суға түспеңіз және қараңғы уақытта шомылмаңыз;
суға алкогольдік немесе есірткілік мас күйінде кірмеңіз.
