87
Мәжіліс депутаты Магеррам Магеррамов жыныстық сәйкестік бұзылысы бар адамдарды психикалық науқастар қатарына жатқызып, жыныс ауыстыруға қатысты хирургиялық операцияларды шектеуді ұсынды. Бұл мәселе бойынша Премьер-министрге депутаттық сауал жолдап, мұндай медициналық процедуралардың дәстүрлі құндылықтарға сай келмейтінін мәлімдеді.
Депутаттың айтуынша, жыныстық сәйкестік бұзылысы – бұл психикалық немесе мінез-құлықтық ауытқу, сондықтан заңнаманы қайта қарау қажет. Сонымен қатар, ол кейбір азаматтардың жынысын өзгерткеннен кейін қайтадан өзгертуге ниет білдіргенін алға тартып, мұндай жағдайлардың санын нақтылау үшін ресми деректер сұратқан.
