Қорғаушы Төреғали Төреәлінің есірткіге тәуелділігі жоқ екенін мәлімдеді. Ол, Төреғали көлік жүргізер кезде одан бұрын қорқор шеккені анықталғанын жеткізді.
«Бізде үш сағаттай уақыт болды. Біз Төреғали Төреәлінің қайда екенін білмедік. Біз оны іздеп жүргенде біраз уақытымыз кетті. Ал ол кезде өздері жалған сараптама тағайындап қойғанын білдік. Бірақ біз қанға сараптаманы қайта тапсырып шықтық. Ол кезде қан құрамында ешқандай есірткілік заттар болмады. Көлік жүргізерден 1 күн бұрын Төреғалидің кальян шеккені белгілі болды. Бір емес бірнеше. Қандағы бөгде жағдай сол нәрседен шығуы мүмкін деген болжам бар. Бізде сараптамалар тағайындалды. Психология, наркологиялық сараптама тағайындалып, есірткіге тәуелдігі бар ма, жоқ па секілді сұрақтар талқыланды. Сараптаманы қайта тағайындап, біз Төреғали Төреәлінің есірткіге ешқандай тәуелділігі жоқ екенін анықтадық», – дейді адвокат Эльнура Кішкенебаева.
