Жетісу облысының полиция қызметкерлері Талдықорған қаласы мен Ескелді ауданындағы 7 дәріхананы тексерген. Бұл туралы облыстық прокуратура хабарлады.
Ведомство мәліметінше, тәртіп сақшылары кәсіпкерлерге қатысты тексеру жүргізуге мораторий жарияланғанына қарамастан тиісті актіні енгізбестен осындай әрекетке барған. Өз әрекеттерінің заңсыздығына қарамай, полиция аталған кәсіпкерлерге қатысты әкімшілік құқық бұзушылықтары туралы материалдар жинаған (дәрі-дәрмектерді рецептсіз босату) және фармацевтикалық бақылау саласындағы уәкілетті органға жолдаған.
Прокурорлық қадағалау актісі бойынша іс-қимылдардың заңсыздығын ескере отырып, тексеру іс-шаралары заңсыз, ал олардың нәтижелері жарамсыз деп танылды. Кінәлі полицейлер тәртіптік жауапкершілікке тартылды.
