Қазақстанда халықтың өмір сүруінің орташа ұзақтығы 74,44 жасқа дейін өсті. Бұл туралы Орталық коммуникациялар қызметі алаңында өткен брифинг кезінде Денсаулық сақтау министрі Ажар Ғиният мәлімдеді.
Ведомство басшысының айтуынша, бұған Мемлекет басшысының халыққа медициналық көмек көрсетудің тиімділігін арттыру жөніндегі тапсырмалары шеңберінде жүргізілген шаралар әсер еткен.
Ұлттық статистика бюросының мәліметі бойынша, елімізде денсаулық сақтаудың негізгі медициналық-демографиялық көрсеткіштерінің оң серпіні байқалады.
«2023 жылдың 7 айында былтырғы жылдың ұқсас кезеңімен салыстырғанда халықтың жалпы өлім-жітім көрсеткіші 7,4%-ға, соның ішінде қан айналымы жүйесі ауруларынан 7%-ға, қатерлі ісіктерден 2%-ға, тыныс алу ағзаларының ауруларынан 5%-ға, туберкулезден 20%-ға өлім-жітім төмендеді. Ал нәресте өлімі 10%-ға азайды», – деді министр.
