401
Ақтөбеде жантүршігерлік жол апатынан шетелдік азамат қайтыс болды. Оқиға Самара-Шымкент автожолының Қызылорда облысының шекарасына жақын жерде болған.
Полиция хабарлауынша, MAN-TGX жүк көлігін жүргізіп келе жатқан 24 жастағы Өзбекстан Республикасының азаматы жолдың қарсы қозғалысқа арналған жағына шығып, Ресей Федерациясының 51 жастағы азаматының басқаруындағы Lada Largus автокөлігімен соқтығысқан.
Салдарынан Lada жүргізушісі алған жарақаттарынан оқиға орнында қайтыс болды. Ал оның кәмелет жасына толмаған жолаушысы түрлі жарақаттармен Ырғыз ауданының орталық ауруханасына жатқызылды. Осы факті бойынша ҚР ҚК 345-бабы 3-бөлігі бойынша қылмыстық іс қозғалды.
Алдын ала болжам бойынша, MAN-TGX жүргізушісі көлік құралын шаршаңқы күйде басқарған.
