Алматыда Ұлттық қауіпсіздік комитеті қызметкерлері мен полицейлер жүргізген арнайы операция кезінде қару-жарақ арсеналы табылды.
«1984 жылы дүниеге келген ер кісі ұсталды. Оның үйінен сегіз мылтықты карабин, бір мылтық, оптикалық көздеуіш және екі аңшылық пышағы табылып тәркіленді. Қару қоймасы қосалқы бөлмеде жасырылған. Жедел мәліметтерге сәйкес, бұл арсенал ағымдағы жылдың қаңтар айында шаһардағы қару-жарақ дүкендерінің бірінен ұрланған. Аталған дерек Қылмыстық кодекстің 291-бабы 3-бөлігі бойынша сотқа дейінгі тергеудің бірыңғай тізіліміне тіркелді», – деді Алматы қалалық Полиция департаменті ұйымдасқан қылмысқа қарсы күрес басқармасының бастығы Жанат Нұрғалиев.
Полицейлер аталған фактінің басқа да мән-жайларын анықтауда. Тәркіленген қарулар сот-баллистикалық сараптамаға жіберілді.
