414
Алматыда 9 жасар Айша Тимурға іздеу жарияланды. ІІМ Telegram-каналының жазуынша, оқушы қыз бүгін таңғы сағат 07:40-та Сейфуллин даңғылындағы үйден Алматы қаласының Түрксіб ауданындағы мектепке кеткен. Содан бері үйіне оралмаған.
Мектеп оқушысының белгілері: арық денелі, шашы қара түсті. Үстіне қызғылт күртеше, мектеп юбкасы, қара етік және көк қалпақ киген. Сөмкесі қызыл түсті.
Қызды іздеуге барлық полиция жасақтары бағдарланған. Ұлттық ұлан сарбаздары пен еріктілер жұмылдырылды.
Алматы қаласының полициясы оқушыны көрген-білгендер болса немесе оған қатысты қандай да бір мәлімет білетін адамдардан 102 арнасы немесе 87027300708 байланыс нөмірі арқылы хабар беруін сұрайды.
