415
Алматыда 6 желтоқсан күні таңғы уақытта үйінен мектепке кетіп, қайтып оралмаған Айша Тимур аман-есен табылды. Оқушы қызды кеше кешкі уақытта еріктілер тапқан. Бұл туралы ІІМ Telegram-каналы жазды.
«Қыз троллейбустан табылды. Ол күні бойы қоғамдық көлікте жүрген болуы да мүмкін. Біз мән-жайды міндетті түрде анықтаймыз. Ең бастысы – балада бәрі жақсы. Патрульдік полиция қызметкерлері оны ата-анасына тапсырды. Өз кезегінде Алматы қаласының полициясы қызды табуға жан-жақты көмек көрсеткен қамқор азаматтарға шексіз алғысын білдіреді», – деді Алматы қаласы ювеналды полицияның бастығы Жанна Шонжанова.
Еске салсақ, бұған дейін полицейлер 9 жасар қызға іздеу жариялаған болатын.
