Әлеуметтік желілерде ондаған келі салмақтағы кір тасын бір қолымен бірнеше рет көтерген зейнеткердің видеосы тарады. Онда бір топ әжей жиналып, өзара бақ сынасқан сәтін көруге болады. Ортаға шыққан ақ жаулықты ана кір тасын оң қолымен 10 рет оп-оңай көтереді. Ал жиналған жұрт әжейге қолдау білдіріп тұр.
Видеоны парақшасында жариялаған ТікТок қолданушысының жазуынша, бұл Маңғыстау өңірінде өткен сайыс.
Әжейдің күштілігін көрген желі қолданушылары зейнеткерге таң қалып, амандығын тіледі.
«Жарайсыз апа. 100-ге келіңіз. Денсаулығыңыз мықты болсын», «Аналарымыз аман, өмір жастары ұзақ болсын», «Апатайыма күш-қуат берсін», «Маңғыстаулық адайлар мықты ғой», «Көз тимесін», «Міне, қазақтың әжейлері мықты», «Керемет», «Әжем мықты» деп жазды желі қолданушылары.
