Маңғыстау облыстық Полиция департаментінің мәліметінше, зейнеткерді 35 жастағы ер кісі ұрып өлтірген.
22 шілде күні сағат 20.15-тер шамасында Мұнайлы аудандық полиция бөліміне Жаңа Дәулет ауылындағы жол жиегінен белгісіз ер кісінің мәйіті табылғаны туралы хабарлама келіп түскен.
Оқиға орнына жеткен полицейлер марқұмның денесінде бірнеше жарақатты анықтаған.
«Мәйіт табылған күні аталған жайт бойынша Қылмыстық кодекстің 99-бабы 2-бөлігімен (Адам өлтіру) іс тіркеліп, сотқа дейінгі тергеу амалдары басталды. 67 жастағы зейнеткердің өлімі бойынша күдікті ретінде 35-тегі ер кісі ұсталды. Сот санкциясымен ол екі ай қамауға алынды. Тергеу амалдары жалғасып жатыр»,-делінген департамент мәліметінде.
Алдын ала болжам бойынша, күдікті мен марқұм көлік тізгіндеп келе жатқан. Бір-біріне жол бермей, арада жанжал туған. Эмоцияға берілген күдікті көлігінен түсіп, жүргізушіні ұрып-соққан. Ауыр соққыдан зейнеткер оқиға орнында көз жұмған.
