Танымал әнші Төреғали Төреәліге қатысты қылмыстық іс қозғалды. Бұл туралы ІІМ-нің Telegram-каналы жазды.
«29 қыркүйек күні әлеуметтік желілерге мониторинг жүргізу барысында осы жарияланым анықталды. Оқиға 28 қыркүйек күні Алматы облысы, Кеген ауданында орналасқан “Көлсай көлдері” ұлттық паркінің аумағында болған. Құқық бұзушылық ҚР ҚК-нің 293 – бабында көзделген қылмыс құрамының белгілері бойынша тіркелді. Барлық қажетті сараптамалық зерттеулер жүргізіліп, оқиғаның шынайы мән-жайларын анықталатын болады. Қылмыстық істі тергеу барысы мен нәтижелері Алматы облысы полиция департамент басшылығының бақылауына алынды» делінген ведомство мәліметінде.
Бұған дейін әлеуметтік желілерде видео тарап, жас жігіт өзіне әнші Төреғали Төрәлі тап беріп, қабағын жарғаны туралы айтқан болатын. Қабағы жарылған жігіттің қасындағы бір топ адам өнер жұлдызының қол көтергенін растайды.
