401
Түркістан полициясына арызданып келген жергілікті тұрғын алаяқтың құрбаны болғандығын жеткізді. Оның айтуынша, танысы оқу орнына грантқа түсіріп беремін деп сеніміне кіріп, 1,5 миллион теңгесін алған. Аталған жайтты тәртіп сақшылары Қылмыстық кодекстің 190-бабы “Алаяқтық ” бойынша тіркеді.
Облыстық Полиция департаментінің мәліметінше, іздестіру шараларының нәтижесінде күдікті ретінде жұмыссыз әйел, Кентау қаласының тұрғыны анықталды.
Белгілі болғандай, сезікті әйел алаяқтықпен алған ақшаны өз қажеттілігіне жаратып жіберген. Тәртіп сақшылары оқиғаның мән-жайын анықтап, келіншектің бұдан басқа да қылмыстарға қатысы бар-жоқтығын анықтау үстінде.
