486
Павлодар облысында жантүршігерлік жол апаты орын алды. Оқиға түнгі сағат 23.00 шамасында Екібастұз қаласындағы Кеншілер көшесінде болған. “ВАЗ” маркалы автокөлігін тізгіндеген 32 жастағы жүргізуші талға соғылған. Апат салдарынан 20 жастағы жолаушы оқиға орнында қайтыс болды. Екінші 29 жастағы жолаушы ауруханаға жатқызылды
Полицейлердің дерегінше, жүргізуші есірткі қолданып, мас күйде болған. Сондай-ақ тексеру кезінде оның автокөлік құралдарын басқаруға құқығы жоқ екендігі анықталды. Көлік мамандандырылған автотұраққа қойылды. Бірқатар сараптамалар тағайындалды. Тексеру жұмыстары жүргізілуде.
