479
Шымкентте полиция қызметкері қызметтік көлікпен қағып кеткен әйел ауруханада көз жұмды. Бұл туралы қалалық денсаулық сақтау басқармасындағылар хабарлады.
Айта кетейік, 3 тамыз сағат 17.00 шамасында Байтұрсынов көшесі бойындағы жаяу жүргіншілер жолағында жол-көлік оқиғасы орын алған болатын. Полиция қызметкері қызметтік көлікпен анасы мен оның кәмелет жасына толмаған қызын қағып кеттіі. Екеуі де дереу ауруханаға жеткізілді.
Науқас әйел №1 клиникалық аурухананың жансақтау бөліміне жатқызылған. Дәрігерлер пациенттің өмірі үшін күрескенімен, оны аман алып қалу мүмкін болмады.
Қазіргі таңда жол апаты бойынша қылмыстық іс қозғалып, тергеу барысын қалалық Полиция департаментінің бастығы өз бақылауына алды.
