484
Шымкентте «Автонұр» базар маңындағы аялдама жанында орналасқан трансформатор отқа оранды. Бұл туралы «101» пультіне 6 маусымда сағат 14.48-де хабарлама келіп түскен.
Өрт сөндірушілер трансформатордың және бутиктің жануы орын алғанын анықтады. Өрт сөндірушілердің кәсіби түрде тез арада әрекет етуінің нәтижесінде қызыл жалынның одан әрі таралуына жол берілмей, өрт сағат 15.01-де оқшауланып, 15.06-да толығымен сөндірілді. Оның көлемі 2 шаршы метрді құрады.
Қызыл жалынды сөндіруге қалалық ТЖД Өрт сөндіру және авариялық-құтқару жұмыстары қызметінің жеке құрамынан 30 адам, 5 техника жұмылдырылды. Зардап шеккендер мен қайтыс болғандар жоқ. Өрттің себебі анықталуда.
