444
Шымкентте үлкендердің қарауынсыз қалған бүлдіршін балконда жүрген. Бұл туралы қалалық Төтенше жағдайлар департаментінің «112» құтқару қызметіне сағат 01.29-да хабарлама келіп түскен.
Оқиға Республика даңғылы бойында орналасқан көпқабатты үйдің 4-қабатында болған.
Құтқару және өрт сөндіру бөлімдерінің қызметкерлері оқиға орнына 12 минутта жеткен. Құтқарушылар арнайы құрал-саймандарды пайдалана отырып есікті ашып, пәтерге кірген кезде онда шамамен 2 жасар бала болған. Оның қасында ата-анасы болмаған. Баланың жағдайы тұрақты, оған медициналық жәрдем қажет болмапты.
Бүлдіршін полицияға қызметкерлеріне табысталған.
