Шымкентте мектеп жасындағы екі бала суға батып кеткен. Қайтыс болғандардың екеуі де ересектердің қарауынсыз болған.
Қалалық ТЖД мәліметінше, дағдарыс жағдайларын басқару басқармасына “103” қызметінен 5 тамызда сағат 13.15-те Геологтар саяжайында Новостройка көшесіндегі жазатайым оқиға туралы ақпарат келіп түскен. Суару каналында туысы суға түсіп, суға батып кеткен 2021 жылы туған баланың мәйітін тауып, судан алып шығарған. Бала ата-анасының қарауынсыз болған. Суару каналының тереңдігі – 50 см, ені – 1,5 м.
Екінші жазатайым оқиға туралы ақпарат 7 тамызда сағат 15.20-да “103” қызметінен келіп түскен. Алматы тас жолы бойында қалалық тазарту жүйесінде (науа) өтіп бара жатқан адамдар 2022 жылы туған қыздың мәйітін тапты. Тазарту жүйесінің тереңдігі – 40 см, ені – 1 м.
Айта кетейік, жыл басынан бері қалада жеке үйлерде орнатылған қаңқалы бассейндерде, суару каналдарында, субұрқақтарда болған 7 жазатайым оқиға тіркелді. Барлық жағдайда балалар ата-аналарының қарауынсыз болған.
