Шымкент қалалық балалар клиникалық ауруханасында алғаш рет жүйке жүйелерін трансплантациялау бойынша күрделі операция жасалды.
Денсаулық сақтау басқармасының мәліметінше, қолындағы нерв жүйесі зақымдалған қарағандылық науқас қаладағы балалар ауруханасына 26 мамырда жоспарлы түрде жатқызылған. Пациентке алғашқы медициналық көмек пен оңалту ем шаралары жүргізілгенімен, нәтиже бермеген. Аурухананың нейрохирур дәрігері С.Кокшибаев пен №1 қалалық клиникалық ауруханасының нейрохиургы А.Сансызбаев 14 жасар қыз баланың қолындағы зақымдалған жүйке жүйесін орталық жүйке жүйесіне жалғап берді.
Операция кезінде невр жүйелерін байланыстыру үшін микрохирургияық аппарат қолданылған. Тәжірибелі мамандар күрделі операцияны сәтті жасады. Қыздың жағдайы жақсы болғандықтан, жансақтау бөлімінен палатаға ауыстырылды. Бірер күнде үйіне шығарылады.
