Бүгін Отырар ауданы Көксарай ауылында Сырдария өзенінде қайтыс болған 9 адамның жаназасы шығарылып, денелері жер қойнына тапсырылды.
Түркістан облысының әкімі Дархан Сатыбалды қайғылы жағдайға ұшыраған әулетке арнайы барды. Сырдария өзенінде орын алған оқыс оқиғадан қайғы жамылған әулеттің ата-аналарына, ет жақындарына көңіл айтты. Қайғыларына ортақтасып, құранға қатысты. Тиісті көмек көрсетіп, қажеттілігінше қолдау ұйымдастыру жүргізілетіндігін жеткізді.
21 тамызда Отырар ауданында бір әулеттен шыққан 4 отбасының мүшелері дарияға демалуға барып, соңы қайғылы жағдаймен аяқталған болатын. Бүгінде суған батқан 11 адамның 9-ының денесі табылған. Оның үшеуі әйел адамы, қалғаны кәмелет жасына толмаған балалар. Қазіргі таңда сүңгуірлер 12 және 10 жасар ұл мен қыздың денесін іздестіру жұмыстарын жүргізіп жатыр.
