Түркістан облысы ойын-сауық және демалыс саябағы көп өңірлер көшін бастады. Жалпы еліміз бойынша қанша саябақ бар?
Ұлттық статистика бюросының мәліметінше, Қазақстанда 208 ойын-сауық және демалыс саябағы бар. Оның 32,7%-ы мемлекеттік меншікте, қалғаны – жекеменшік. Ойын-сауық саябақтарының 19,2%-ы ауылдық жерлерде орналасқан.
«Өңірлік бөліністе демалыс және ойын-сауық саябақтарының ең көп саны Түркістан облысында (27 саябақ) Астана қаласында (22 саябақ), сондай-ақ Алматыда (20). Ал Жетісу облысында небәрі 1 саябақ бар» делінген статистикалық мәліметте.
Ойын-сауық және демалыс саябақтарының жалпы ауданы 184,6 мың га құрайды. Онда барлығы 3 848 ойын-сауық нысаны бар. Оның 1465 – аттракциондар, 1642 – ойын автоматтары, 741-басқа түрлері.
Айта кетейік, өткен жылы демалыс орындарына 14,2 млн адам барған.
