Түркістан облысында «Мектепке жол» қайырымдылық шарасына белсенді атсалысып жатқан кәсіпкерлер саны артуда. Солардың бірі – облыстық өзбек этномәдени бірлестігі төрағасының орынбасары, «Үлес» қайырымдылық қорының төрағасы Райымжан Қошқаров. Кәсіпкер әлеуметтік аз қамтылған отбасы балаларына демеушілік жасады.
Әкімдіктің баспасөз қызметінің мәліметінше, қайырымдылық шарада кәсіпкер жағдайы төмен, көпбалалы отбасында тұратын 150 оқушыға мектеп формасы мен кеңсе тауарларын (дәптерлер, қалам, сызғыш, церкуль, бояу, түрлі түсті қалам, түрлі түсті журнал, сурет дәптер, қалам ұштағыш, желім т.б.) алып берді.
1 тамызда басталған «Мектепке жол» акциясы 30 қыркүйекке дейін жалғасады. Шараның алғашқы 15 күнінде облыс бойынша 778 балаға жалпы 19 млн 309 мың теңгеге демеушілер тарапынан материалдық көмек берілген.
