Ұрлық қылмысы Тараз қаласындағы базарлардың бірінде орналасқан компания ғимаратында болған.
Полицияға компания қызметкері шағымданған. Оның айтуынша, белгісіз адам кілттерді таңдау арқылы қалалық базарлардың бірінде орналасқан компанияның ғимаратына заңсыз кіріп, сейфтен 19 миллион теңгеге жуық ақшаны ұрлап кеткен.
Аталған дерекке қатысты ҚР ҚК-нің 188-бабы 4-бөлігі (Ұрлық) бойынша сотқа дейінгі тергеу амалдары басталды. Жедел-іздестіру іс-шараларының барысында Қарағанды облысының Балқаш қаласында қылмыс жасады деген күдікпен Меркі ауданының 21 жастағы тұрғыны ұсталды. Ақшалай қаражат түріндегі заттай дәлелдемелер тәркіленді.
“Күдікті өз кінәсін толық мойындап, уақытша ұстау изоляторына қамалды. Қазіргі уақытта істің егжей-тегжейлі мән-жайларын анықтау үшін қажетті жедел-тергеу іс-шаралары жүргізілуде” деп хабарлады Жамбыл облыстық ПД.
